Ekipi ynë mbrëmë vonë arriti në Luksemburg, aty ku të enjtën do të zhvillojmë ndeshjen e kthimit kundër Sëift Hesperange, e vlefshme për turin e tretë eliminatorë të Ligës së Konferencës.
Megjithatë për këtë ndeshje shumë të vlefshme për skuadrën tonë, trajneri Shpëtim Duro nuk do të mund të llogarisë në shërbimet e nigerianit, Hogan Ukpa, kjo pasi ky i fundit nuk u pajis me vizë nga autoritetet gjermane.
Ukpa po qëndron në Shkup dhe është në pritjeje të një përgjigje pozitive nga shteti gjerman, edhe pse edhe këta të fundit deri në këto momente nuk kanë ndonjë përgjigje konkrete rreth ndalimit të futbollistit tanë.
Kujtojmë në ndeshjen e parë të zhvilluar në Shkup, skuadra jonë shënoi fitore 3:1 ndaj kampionëve të Luksemburgut, sëift Hesperange, ashtu që jemi në rrugë të mirë për të shkruar sërish histori, duke u kualifikuar këtë herë për në ndeshjet e fazës “play-off”.
