Një super lajm për gjithë tifozët tanë në prag të aventurës së re europiane. Ndeshjen e turit të parë të Ligës së Kampionëve kundër kampionëve sllovak të Sllovan Bratisllava do të mund ta ndiqni drejtëpërdrejtë në TVM2 programi në gjuhën shqipe dhe TVM3, programi në gjuhën maqedone….
Pas bisedimeve më se të suksesshme me drejtuesit e klubit të Sllovan Bratisllava, neve si klub, Struga Trim Lum kemi arritur që të sigurojmë të drejtat televizive nga ndeshja e parë në transfertë për TVM2, programi në gjuhën shqipe dhe TVM3, programi në gjuhën maqedonase.
E gjithë kjo u arritë falë insistimit të drejtuesve tanë, edhe atë vetëm e vetëm për t’iu servuar opinionit futbolldashës, e në veçanti tifozëve të Struga Trim Lum, për të ndjekur skuadrën e tyre të zemrës.
Ndeshja e parë midis Sllovan Bratisllava dhe Struga Trim Lum do të luhet nesër (10 korrik) në stadiumin “Tehelné pole”, me fillim në ora 19:00, ndërsa ajo kthyese një javë më vonë (17 korrik) në stadiumin e qyteti në Ohër, me fillim në ora 17:00.
Që të dyja ndeshjet do të transmetohen drejtëpërdrejtë në programin e Servisit Publik, me të cilët arritëm marrëveshje të shpejtë, ashtu që rrugëtimin europian të skuadrës tonë do të mund ta shihni edhe nga shtëpitë e juaja përmes TVM2 dhe TVM3.
