Jarjue Maudo po zhvillon edicionin e dytë me fanellën e Struga Trim Lum. Ai këtë edicion ka zhvilluar 12 ndeshje, ndërsa vlen të theksohet se edhe ishte autori i golit të parë këtë edicion për Struga Trim Lum…
Autori i golit të parë për sezonin 2025/26, Jarjue Maudo, këtë edicion ka treguar vlera të mëdha, duke i dhënë një siguri shtesë mbrojtjes së Struga Trim Lum. Ai në secilën ndeshje që është paraqitur ka dhënë maksimumin, duke dëshmuar se bëhet për një futbollistë të kalibrit të lartë.
Ai te Struga Trim Lum erdhi shkurtin e këtij viti nga rradhët e skuadrës norvegjeze të Sandefjord, ndërsa me Shkëmbin në krye, ai po merr më shumë hapësira në formacion.
Maudo foli për ndeshjen e së dielës kundër Bashkimit, një ndeshje mjaft e rëndësishme për ecurinë e kipit.
“Nuk do të jetë një ndeshje e lehtë, mendoj se çdo ndeshje do të jetë shumë e rëndësishme për ne si skuadër deri në fund të sezonit.” – u shpreh fillimisht mbrojtjësi Jarjue Maudo.
Shtatëlartë 28-vjeçar beson se skuadra është gati për ndeshjen me Bashkimin, duke gëzuar edhe njëherë tjetër tifozët tanë.
“Ne jemi gati për çdo ndeshje për të luftuar deri në fund dhe për t’u siguruar që tifozët tanë janë të lumtur. Ata, të lumtur janë vetëm kur fitojmë, ndaj le të fitojmë për nder të tyre nesër” – deklaroi Maudo, i cili premton se edhe nesër e gjithë skuadra do ti përmbahet planit të lojës, 100%, pasi deri më tani në pjesën më të madhe të sezonit ka dhënë rezultatin e duhur.
Kujtojmë, në 14 xhirot e deritanishme, Struga Trim Lum numëron 11 fitore, 2 barazime dhe vetëm një disfatë, duke u renditur në pozitën e dytë.
