Struga Trim Lum edhe përkundër epërsisë së hershme të krijuar përballë Pelisterit, në fund nga Manastiri duheshe të rikthehej me një barazim 1:1. Ishte ky barazimi i parë këtë edicion për skuadrën tonë, që në mesjavë do të zhvillojë ndeshjen e raundit të parë në kuadër të Kupës…
Në ndeshjen e dytë të këtij edicioni si mysafir, Struga Trim Lum ka gjetur barazimin e parë në edicionin e ri. 1:1 doli të jetë rezultati përfundimtarë i takimit të zhvilluar në Manastir përballë Pelisterit, skuadër kjo që në ndëshkoi vetëm në fundin e pjesës së parë.
Ndryshe golin e epërsisë e gjetëm pas 17 minutave lojë, kur Lanre Kehinde shfrytëzoi harkimin e Bojan Ilievskit në zonë, duke shënuar me kokë në rrjetën e Jovçevskit.
PJESA E PARË
Në pjesën e parë, Struga Trim Lum dominoi ndeshjen, duke u përpjekur vazhdimisht për të gjetur hapësirën e duhur drejt golit kundërshtarë. Marjan Radeski tentoi i pari në këtë ndeshje, kur goditi me kokë, mirëpo vetëm jashtë kuadrantit.
Në aksionin e dytë që sërish erdhi nga krahu i djathtë, Bojan Ilievski mjaf mirë gjeti në zonën kundërshtare sulmuesin Lanre Kehinde, i cili nuk fali dhe në minutën e 17-të me kokë shënoi për rezultat 1:0. Ishte ky goli i dytë për nigerianin këtë edicion, pas atij xhiron e kaluar ndaj AP Brera.
Pas këtij goli të Kehinde, në skenë në dy raste doli Marjan Radeski, që provoi goditjen e tij nga distanca. Në tentativën e tij të parë, topi përfundoi vetëm mbi portë, ndërsa në të dytën, përfundoi drejt në duart e portierit të Pelisterit.
Ky i fundit u vu në mjaft vështirësi në minutën e 30-të, kur Stefan Jevtoski lëshoi një predhë të vërtetë në drejtim të portës kundërshtare. Jevtoski në aksionin e rradhës luajti rolin e asistuesit, duke shërbyer kapitenin Ard Kasamin, i cili nuk është se vuri në shumë vështirësi portierin vendas.
Rastet e skuadrës tonë vazhduan edhe më tej, mirëpo mungonte finalizimi, si në minutën e 37-të, kur Kehinde me kokë goditi lartë mbi portë, por edhe në minutën e 41-të, kur pasimet e njëpasnjëshme dhe të sakta, Bekim Kamberi nuk arriti ti kurorëzojë me gol.
Dhe kur nuk shënon, kundërshtari të ndëshkon. Kjo na ndodhi edhe neve në çastet e fundit të pjesës së parë, kur pas harkimit të Bllagoja Ljamçevskit, mbrojtësi Sava Radiç, në tentativë për të pastruar rrezikun vendosi topin në rrjetën e Stevkovskit.
Kështu pjesa e parë u mbyll me barazim 1:1, ndërsa në pjesën e dytë rrjetat pushuan, kjo edhe si pasojë e rasteve të pakta nga ana e të dyja palëve.
PJESA E DYTË
Në minutën e 66-të, Marjan Radeski, mjaft mirë i servoi një top pak para zonës kundërshtare nigerianit, Hogan Ukpa, goditjen e të cilit njëri nga futbollistët vendas e devijoi në rivënie nga këndi.
Në mungesë të rasteve konkrete para portës kundërshtare, trajneri Qatip Osmani në minutën e 67-të vendosi të bëjë dy ndryshime në formacion. Në vend të Hogan Ukpa dhe Arbi Voshës, në lojë u inkuadruan Masaki Takahara dhe Stefan Spirovski.
Pikërisht kjo dyshe vetëm pas 60 sekondave të kaluara në fushë, prodhuan rastin e rradhës para portës kundërshtare, me Spirovskin që luajti rolin e asistuesit dhe Takaharan që tentoi të shënojë me kokë, por pa arritur të prekë rrjetën kundërshtare.
Pasoi një periudhë e lojës jo shumë aktive, me futbollistët tanë që mbizotëronin topin në mesfushë dhe ekipin vendas që përmes kundërzbritjeve na rrezikoi dy herë në fund të takimit, mirëpo në të dyja rastet në nivelin e duhur doli të jetë portieri Stevkovski.
Kështu nga Manastiri rikthehemi vetëm me një pikë, ndërsa kohë për pushim nuk kemi, pasi në mesjavë na pret ndeshja e raundit të parë të Kupës kundër Slloga Vinicës në transfertë.
________________________________________________________________________________________________________________
LIGA E PARË E MAQEDONISË
PELISTERI – STRUGA TRIM LUM 1:1
Autorë i golit: Lanre Kehinde 16‘
Stadiumi “Tumbe Kafe” – Manastir
Shikues: 2500
Arbitër Kryesor: Aleksandar Stavrev
Kartonë të verdhë: L.Cardoso (Pelister) -S. Radiç, B. Kamberi, M. Takahara, A. Kasami (Struga Trim Lum)
FORMACIONET:
Pelisteri: A. Jovçecski, B. Georgiev, H. Grozdanovski, A. Ristevski, F. Milenkovski, B. Ljamçevski, V. Serafimovski, B. Spirkoski, H. Stojanovski, M. Talevski, M. Ivanovski;
Struga Trim Lum: H. Stevkovski, B. Ilievski, S. Radiç, B. Krivanjeva, A. Kasami, H. Ukpa (S. Spirovski 68’), S. Jevtoski (B. Compaore 85’), B. Kamberi, A. Vosha (M. Takahara 68’), M. Radeski, L. Kehinde;
NDESHJA E RRADHËS
SLLOGA VINICA – STRUGA TRIM LUM
Kupa e Maqedonisë, Raundi i parë
Data: 18 shtator, stadium i Vinicës
