Një vështrim më i afërt i skuadrës së Voska Sport, ndaj së cilës skuadër do të luajmë në kuadër të javës së 7-të, sezoni 2024/25 në Ligën e Parë Futbollistike…
Java e 7-të deshi që neve të mos udhëtojmë shumë larg qytetit tonë. Destinacioni ynë i rradhës është Ohri, aty ku do të përballemi me Voska Sport.
Stadiumi “Burimet e Biljanës”, mund të themi se është shtëpia jonë e dytë, pasi në këtë impiant tashmë dy vite me rradhë po i zhvillojmë edhe ndeshjet europiane.
NDESHJA E FUNDIT
Në ndeshjen e fundit kundër Voska Sport që e kemi zhvilluar në Ohër, neve morrëm një fitore minimale 1:0. Ishte Marjan Radeski autori i golit të vetëm në atë ndeshje të zhvilluar po në muajin shtator (data 27).
Nuk i dihet ndoshta është koha që Radeski pikërisht ndaj Voska Sport të aktivizohet kur janë në pyetje golat e shënuar në edicionin e ri.
NDESHJET DERITANISHME
Ndeshja e së mërkurës kundër Voska Sport do të jetë vetëm e 5-ta zyrtare dhe e katërta në kuadër të ndeshjeve të Ligës së Parë, aty ku deri më tani kemi qenë të pagabueshëm. 3 ndeshje, 3 fitore numërojmë përballë tyre edicionin e kaluar, me një gol-averazh 5:1. Disfatën e vetme ndaj tyre në ndeshje zyrtare e kemi pësuar po edicionin e kaluar, mirëpo në kuadër të ndeshjeve të Kupës.
Ndryshe ndaj Voska Sport kemi zhvilluar edhe tre ndeshje miqësore, dy fitore dhe një disfatë.
FORMA MOMENTALE
Java paraprake nuk doli të jetë pozitive për asnjërën prej skuadrave. Neve u mundëm nga FC Shkupi, derisa Voska Sport nga Shkëndija e Tetovës. Për më tepër kundërshtari ynë ka psuar dy disfata të njëpasnjëshme në kampionat, duke pranuar 8 gola, dhe duke shënuar vetëm një.
Në 6 xhirot e deritanishme, ata kanë grumbulluar vetëm 4 pikë, duke regjistruar 1 fitore, 1 barazim dhe 4 disfata. Voska Sport aktualisht është skuadra me më shumë gola të pranuar, gjithsej 16, mirëpo ku janë në pyetje golat e shënuar, kjo skuadër qëndron më mirë se ne. Ata kanë realizuar 8 gola, derisa neve vetëm 5, mirëpo që këto gola kanë qenë mjaft produktiv, duke na dhuruar 3 fitore, 1 barazim, ndërsa në dy raste kemi dalë kokulur.
Ndeshja e nesërme është një mundësi e mirë për të shënuar dhe për tu këndellur në kampionat, aty ku pas 6 xhirove të para renditemi në pozitën e katërt me 10 pikë.
MUNGESAT
Në ndeshjen e nesërme trajneri Qatip Osmani përveç treshes Bunjamin Shabani, Besmir Bojku dhe Hadis Tairi, që janë të dëmtuar një kohë më të gjatë, nuk do të mund të llogarisë gjithashtu edhe në shërbimet e mbrojtësit titullarë, Besart Krivanjeva si dhe mesfushorit Hogan Ukpa (për shkak kartonëve).
Ndërkohë në skuadër rikthehet Hristijan Maleski, që mungoi ndeshjen e fundit.
ZYRTARËT E NDESHJES
Stojançe Trpçevski është kryesori i takimit të nesërm. Një emër ky i njohur, i cili në 5 edicionet e deritanishme na ka referuar në gjithsej 16 ndeshje, 15 prej tyre kampionale dhe një në kuadër të Kupës.
Ky arbitër mund të thuhet se është me fat për skuadrën tonë, që ka regjistruar 11 fitore, 2 barazime dhe 3 disfata. I njëjti na kishte referuar edhe edicionin e kaluar kundër Voska Sport, edhe atë në ndeshjen e fundit si vendas, kur falë golave të shënuar nga Besart Ibraimi (2) dhe Hogan Ukpa, në fund kishim regjistruar fitore 3:1.
Ndryshe këtë edicion Trpçevski na ka referuar në dy ndeshje, ku jemi të balancuar. Një fitore kundër Besës së Dobërdollit në shtëpi dhe një disfatë në Shkup përballë Rabotniçkit.
I njëjti po dy ndeshje i ka referuar edhe Voska Sport këtë edicion, edhe atë kundër Vardarit në Shkup, kur kishin marrë fitore 3:1 dhe së fundmi kundër Sileksit në Ohër, kur ishin mundur me shifrat 3:0.
Kujtojmë, Stojançe Trpçevski në ndeshjet e Ligës së Parë referon që nga viti 2020, derisa i njëjti ka ndarë drejtësinë në gjithsej 75 ndeshje, ku ka treguar 348 kartonë të verdhë, 4 të kuq dhe në 8 raste ka treguar nga dy kartonë të verdhë.
Arbitër kryesor: Stojançe Trpçevski
Asistentë: Dragan Trpçevski, Martin Dejanoski
Arbitër i katërt: Martin Stojanovski
Delegatë: Goce Jovanovski
Kontrollues: Goce Spirkoski
NDESHJA
Ndeshja midis Voska Sport dhe Struga Trim Lum, e vlefshme për javën e 7-të në Ligën e Parë të Maqedonisë do të zhvillohet në stadiumin “Burimet e Biljanës” në Ohër me fillim në ora 15:00. Të njëjtën, kjo vlen për ata që nuk do të kenë mundësinë të shkojnë në stadium në qytetin tonë fqinj, do të mund të ndiqni edhe përmes kanalit zyrtarë të FFM-së në youtube.
