Ndeshja do të luhet në stadiumin e qytetit tonë të dielën e 11 gushtit me fillim në ora 17:00, ndërsa për gjithë dashamirët e futbollit e në veçanti, tifozët tanë më besnik, njoftojmë se hyrja do të jetë falas….
Struga Trim Lum sezonin e ri në elitën e futbollit vendor do ta hap të dielën me ndeshjen kundër Tikveshit në shtëpi. Kjo ndeshje mund të përllogaritet edhe si një finale e SuperKupës, pasi neve si kampion përballë do të kemi fituesin e Kupës së edicionit të kaluar.
Ndeshja do të luhet në stadiumin e qytetit tonë të dielën e 11 gushtit me fillim në ora 17:00, ndërsa për gjithë dashamirët e futbollit e në veçanti, tifozët tanë më besnik, njoftojmë se hyrja do të jetë falas.
Ndeshja do të drejtohet nga Dimitar Pileshkov, derisa Kristijan Xhonov dhe Dejan Dimitrijeviq do të jenë asistentët e tij.
Luanët tanë, të cilët dominuan dy sezonet e fundit, duke u shpallur kampion, e nisin kampionatin me synimin për të ecur në fitore të reja në sezonin e ri.
Boshti i skuadrës është ruajtur, madje i njëjti është përforcuar dukshëm, me emra të njohur, si ai i Lanre Kehinde, Arbi Vosha, Kire Ristevski, Stefan Spirovski, etj, emra këto të njohur për futbollin tonë vendor, që gjithsesi se duan ta nisin sezonin e ri me tre pikë.
Të besuarit e trajnerit Qatip Osmani, përfshirë këtu sidomos emrat e rinj, do të përqafojnë për herë të parë tifozët e tyre në sezonin e ri në stadiumin e qytetit të Strugës, aty ku Tikveshi nuk dinë për fitore.
NDESHJET E DERITANISHME
Ndeshja e së dielës do të jetë e 10-ta kundër skuadrës nga Kavadari, ndaj së cilës skuadër numërojmë 4 fitore, 3 barazime dhe 2 disfata. Në 4 ndeshjet që kemi luajtur në shtëpi ndaj këtij kundërshtari, kemi 3 fitore dhe një barazim.
Gjatë afatit kalimtarë të verës, vlen të theksohet se edhe Tikveshi ishte mjaft aktiv në merkato, duke sjellë disa futbollistë mjaft cilësor, përfshirë këtu edhe disa Brazilian, që u dëshmuan në ndeshjet miqësore dhe ajo kundër Breidablik në Europë.
Kujtojmë, sezonin e kaluar, Tikveshi e mbylli në pozitën e katërt me 44 pikë.
Pas këtij takimi, skuadra jonë do të përgatitet për ndeshjen e rradhës kundër Besës së Dobërdollit, që gjithashtu do ta luajmë në terren vendas.
