6 prej tyre e nisën si titullarë, derisa dy të tjerë u inkuadruan në lojë gjatë pjesës së dytë. I vetmi që nuk pati mundësinë të debutojë, ishte portieri Hristijan Stevkovski….
Struga Trim Lum e nisi me këmbë të mbarë sezonin e ri në elitën e futbollit vendor, duke mundur Tikveshin në xhiron e parë me rezultat minimal 1:0.
Ajo që ra në sy në këtë përballje, ishte fakti se trajneri Qatip Osmani në këtë ndeshje ju dha mundësinë plotë 8 futbollistëve të rinj për të debutuar në një ndeshje kampionale me fanellën “kuqebardhë”.
6 prej tyre e nisën si titullarë, (Filip Dujmoviç, Bojan Ilievski, Stefan Spirovski, Stefan Jevtovski, Arbi Vosha, Lanre Kehinde), derisa dy të tjerë u inkuadruan në lojë gjatë pjesës së dytë, (Masaki Takahara, Kire Ristevski).
I vetmi që nuk pati mundësinë të debutojë, ishte portieri Hristijan Stevkovski.
Në kuadër të Ligës së Parë si trajner i Struga Trim Lum, kishte debutuar gjithashtu edhe Qatip Osmani së bashku me ndihmësin e tij Bashkim Livoreka.
Edhe pse fitorja ishte minimale, në fund gjithë ju gëzuan të njëjtës, kjo pasi e njëjta erdhi ndaj një kundërshtari shumë të fortë, që edicionin e kaluar e kishte fituar trofeun e Kupës, erdhi pas atyre ndryshimeve të shumta në formacion, e mbi të gjitha erdhi në momentin e duhur, pas atij zhgënjimi në arenën ndërkombëtare, e ku realisht pritshmëritë ishin më të mëdha.
Shpresojmë që kjo fitore të jetë një paralajmërim për një aventurë të suksesshme në Ligën e Parë, aty ku sërish do të synojmë titullin kampion.
