Hadis Tairi është futbollisti i rradhës që na bashkohet në prag të sezonit të ri 2023/24. Tairi është vetëm 18-vjeç, ndërsa i njëjti aktualisht është edhe kapiten i përfaqësueses së Maqedonisë U18.
Pikërisht falë talentit që posedon, por edhe moshës, me Tairin kemi firmosur kontratë në afat prej katër vitesh.
Ai luan si mbrojtës i krahut të majtë, derisa te Struga Trim Lum vjen nga rradhët e Ohrid Lihnidos. Ndryshe hapat e parë i kishte bërë te ekipi i Young Team në Strugë, për të vijuar më pas te Nju Stars në Shkup, ndërsa gjithashtu kishte veshur edhe fanellën e Veleshtës.
Tairi shihet si një futbollistë me shumë potencial, para të cilit është një e ardhme e ndritur, ndërsa puna para një profesori si Shpëtim Duro, besojmë se do e ngritë këtë futbollistë në nivele edhe më të larta.
Mirë se erdhe në familjen tënde Hadis, familjen e kampionëve të Struga Trim Lum.
