Përmbledhje
F.C. Struga TRIM & LUM ka regjistruar një fitore të madhe si vendas përballë #Shkëndijës, duke regjistruar në këtë mënyrë fitoren e dytë sezonale ndaj këtij kundërshtari dhe njëherit të 9-tën këtë edicion në elitën e futbollit vendor.
Golin
e vetëm dhe të fitores për skuadrën tonë e realizoi Hristijan Maleski në minutën e 40-të, kur mjaft mirë shfrytëzoi një gabim në mbrojtjen e Shkëndijës dhe me shumë zgjuarsi arriti që të mposhtë portierin Zahov.
Paraprakisht një rast diskutabil ndodhi në zonën e Shkëndijës, kur arbitri Stavrev madje me të verdhë ndëshkoi sulmuesin Besart Ibraimi, me preteksin se ky i fundit kishte simuluar në zonën kundërshtare.
Këto dy raste ishin ato përmes të cilave mund të përshkruajmë pjesën e parë, ndërsa e dyta edhe pse nuk prodhoi gola, prodhoi më shumë raste, sidomos në 20 minutëshin e fundit të takimit.
Besmir Bojku në minutën e 72-të mjaft mirë ekzekutoi një goditje dënimi, megjithatë topin e devijuar nga ana e portierit Zahov nuk arriti që ta shndërrojë në gol Zija Merxhani.
Vetëm 4 minuta më pas edhe Valentin Koçoski tentoi të shënojë, mirëpo pa sukses.
Pas këtij rasti Shkëndija ishte ajo që kishte inciativën, duke na lënë hapësira që përmes kundërzbritjeve të kërkojmë edhe golin e dytë, i cili nuk erdhi, megjithatë në fund arritëm të ndërpresim serinë prej 5 ndeshjeve pa fitore, duke vazhduar të kryesojmë renditjen edhe pas xhiros së 15-të, tashmë me 30 pikë, 5 më shumë se FC Shkupi i vendit të dytë dhe 6 më shumë se Shkëndija në vendin e tretë.
1 vs 0 
KF Shkëndija